கோவை மாவட்டத்தில் ஆறாவது மெகா கரோனா தடுப்பூசி முகாம் நேற்று நடைபெற்றது. ஊரக பகுதிகளில் 1,104, மாநகராட்சிப் பகுதிகளில் 266 என மொத்தம் 1,370 முகாம்கள் நடத்தப்பட்டன.
கோவை அரசு மருத்துவமனை, வ.உ.சி மைதானம் ஆகிய இடங்களில் நேற்று நடைபெற்ற தடுப்பூசி முகாமை மின்சாரத்துறை அமைச்சர் செந்தில் பாலாஜி நேரில் பார்வையிட்டார். இதுதொடர்பாக, சுகாதாரத்துறை அதிகாரிகள் கூறும்போது, “கோவையில் நேற்று நடைபெற்ற முகாமில் 1.18 லட்சம் பேருக்கு தடுப்பூசி செலுத்தப்பட்டுள்ளது. இதற்குமுன் நடைபெற்ற 5 முகாம்களில் மட்டும் மொத்தம் 5.51 லட்சம் தடுப்பூசிகள் செலுத்தப்பட்டுள்ளது”என்றனர்.
நீலகிரி மாவட்டம்
திருப்பூர் மாவட்டம் வெள்ளகோவில், காங்கயம், முத்தூர் சுற்றுவட்டாரப் பகுதிகளிலும் கரோனா தடுப்பூசி முகாம் நடைபெற்றது. முத்தூர் ஆரம்ப சுகாதார நிலையத்தில் நடைபெற்ற கரோனா தடுப்பூசி முகாமை செய்தித் துறை அமைச்சர் மு.பெ.சாமிநாதன் ஆய்வு செய்தார். மேலும், சுகாதார நிலையத்தில் ஆரோக்கிய பூங்கா அமைக்கும் பணிகளையும் பார்வையிட்டார்.