குடியாத்தம் பகுதியில் 4 துணை மின் நிலையங்களின் பராமரிப்புப் பணிகள் காரணமாக வரும் 16-ம் தேதி மின் நிறுத்தம் செய்யப்பட உள்ளது.
இதுகுறித்து, குடியாத்தம் மின் வாரிய கோட்ட செயற்பொறியாளர் வெங்கடாஜலபதி வெளியிட்டுள்ள செய்திக்குறிப்பில், ‘‘பாக்கம், பிச்சனூர், பரதராமி, செதுக்கரை துணை மின் நிலையங்களில் அத்தியாவசிய மின் பராமரிப்புப் பணிகள் வரும் 16-ம் தேதி மேற்கொள்ளப்பட உள்ளன. அன்றைய தினம் காலை 9 மணி முதல் மாலை 5 மணி வரை குடியாத்தம், நெல்லூர்பேட்டை, கீழ் ஆலத்தூர், மோடிகுப்பம், பிச்சனூர் ஏரியா, கொத்தூர், பூசாரிவலசை, பரதராமி, செதுக்கரை, புதுப்பேட்டை, டெலிகாம் ஏரியா, செருவங்கி, சந்தப்பேட்டை மற்றும் அதை சுற்றியுள்ள பகுதிகளில் மின் விநியோகம் நிறுத்தப்படும்’’ என்று தெரிவித்துள்ளார்.