ஓட்டப்பிடாரம் அருகே பெண் கொலை :

கோவில்பட்டி: ஓட்டப்பிடாரம் அருகே வடக்கு ஆவாரங்காடு கிராமத்தைச் சேர்ந்த கட்டிட தொழிலாளி பச்சைக்கிளி. இவரது மனைவி முத்துலட்சுமி(40). இவர்களது பக்கத்து வீட்டைச் சேர்ந்தவர் ராமர் (50). இவர்கள் இருவருக்கும் இடையே வீட்டின் பொதுச்சுவர் சம்பந்தமாக பிரச்சினை இருந்து வந்துள்ளது. நேற்று மாலை 6 மணியளவில் முத்துலட்சுமி அவரது வீட்டு வாசலின் முன்பு துப்புரவு செய்து கொண்டிருந்தார். அப்போது அவருக்கும் ராமருக்கும் இடையே தகராறு ஏற்பட்டுள்ளது. அரிவாளால் வெட்டியதில் முத்துலட்சுமி உயிரிழந்தார். ஓட்டப்பிடாரம் போலீஸார் வழக்கு பதிவு செய்து ராமரை தேடி வருகின்றனர்.