தமிழ்நாடு மேல்நிலைப்பள்ளி முதுநிலை பட்டதாரி ஆசிரியர் கழகதிருநெல்வேலி மாவட்ட செயற்குழு கூட்டம் நடைபெற்றது. மாவட்ட தலைவர் ஆர். முருகன் தலைமை வகித்தார். மாவட்ட பொருளாளர் மு.முத்துசாமி வரவேற்றார். கூட்டத்தில் நிறைவேற்றப்பட்ட தீர்மானங்கள்:
திருநெல்வேலி மாவட்டத்தில் கடந்த 2017 முதல் 2020-ம் ஆண்டுவரை நடைபெற்ற பிளஸ் 1 மற்றும் பிளஸ் 2 விடைத்தாள் மதிப்பீட்டு பணியில் ஏற்பட்ட மதிப்பெண் மாறுபாட்டை காரணம்காட்டி, தொடர்ந்து முதுகலை ஆசிரியர்கள் மீதுஎடுக்கப்பட்டு வரும் நடவடிக்கையை ரத்து செய்ய வேண்டும்.
மாவட்டத்தில் அரசு உதவிபெறும் மேல்நிலைப்பள்ளிகளில் கடந்த 2017-ம் ஆண்டுமுதல் நிரந்தரபணியிடத்தில் பணியமர்த்தப்பட்ட முதுகலை ஆசிரியர்களுக்கு பணிநியமன ஒப்புதல் ஆணை வழங்கவேண்டும் உள்ளிட்ட பல்வேறு தீர்மானங்கள் நிறைவேற்றப்பட்டன.
இந்த கோரிக்கைகளை வலியுறுத்தி ஆர்ப்பாட்டம் நடத்தவும் கூட்டத்தில் முடிவு செய்யப்பட்டது. மாவட்டச் செயலாளர் டி.பாபு செல்வன் நன்றி கூறினார்.