‘பட்டாசு கடைக்கு விண்ணப்பிக்கலாம்’ :

தீபாவளி பண்டிகையை முன்னிட்டு திருப்பத்தூர் மாவட்டத்தில் பட்டாசு கடை வைக்க ஆன்லைன் மூலம் இம்மாதம் இறுதிக்குள் விண்ணப்பிக்கலாம் என ஆட்சியர் அமர் குஷ்வாஹா தெரிவித் துள்ளார்.

இதுகுறித்து அவர் வெளி யிட்டுள்ள செய்திக்குறிப்பில், "தீபாவளி பண்டிகையை முன் னிட்டு திருப்பத்தூர் மாவட்டத்தில் தற்காலிகமாக பட்டாசு கடைகள் அமைப்பதற்கான உரிமம் பெற ‘ஆன்லைன்’ மூலம் இம்மாதம் 30-ம் தேதிக்குள் இ-சேவை மையங்கள் மூலம் ஆன்லைன் வாயிலாக விண்ணப்பிக்கலாம். உரிமத்துக்கான கட்டணம் ரூ.500 செலுத்தியதற்கான அசல் ரசீது ஆகியவற்றை விண்ணப்பத்துடன் இணைக்க வேண்டும்.

மேலும், இருப்பிடங்களுக்கான ஆதாரம் காட்டும்போது ஆதார் அட்டை, வாக்காளர் அடையாள அட்டை, ரேஷன் கார்டு, வரி ரசீது, 2 பாஸ்போர்ட் அளவுள்ள புகைப்படம் ஆகியவற்றையும் விண்ணப்பத்துடன் இணைத் திருக்க வேண்டும். ஆன்லைன் மூலம் பெறப்படும் விண்ணப் பங்கள் சம்பந்தப்பட்ட துறைகள் மூலம் ஆய்வு செய்யப்படும். அதன் பிறகே விண்ணப்பங்கள் ஏற்பதும், நிராகரிப்பதும் முடிவு செய்யப்பட்டு அதன் விவரங்கள் ஆன்லைன் மூலமாக விண்ணப் பதாரர்களுக்கு தெரிவிக்கப்படும்.

விண்ணப்பங்கள் ஏற்கப் பட்டால் தற்காலிக கடை உரிமத்தின் ஆணையை தீபாவளி பண்டிகைக்கு ஒரு மாதத்துக்கு முன்பாக இ-சேவை மையம் மூலமாக பதிவிறக்கம் செய்துகொள்ளலாம்.

வரும் 30-ம் தேதி கடைசி நாள் என்பதால் அதற்கு பிறகு சமர்ப்பிக்கப்படும் விண் ணப்பங்கள் ஏற்கப்படாது. அதே நேரத்தில், நிரந்தர பட்டாசு விற்பனை உரிமம் கேட்பவர்கள் ஆண்டுதோறும் அதற்கான உரிமத்தை புதுப்பித்தலுக்கு மேற்கூறிய வழிமுறைகள் பொருந்தாது’’ என தெரிவித்துள்ளார்.