மிலாடி நபி விழாக்குழுவின் கரோனா தடுப்பூசி முகாம் :

கிருஷ்ணகிரி புதுப்பேட்டை தவுலதாபாத் சுன்னத் ஜமாத் கமிட்டி மற்றும் மிலாடி நபி விழாக் குழு இணைந்து அனைத்து சமுதாய பொதுமக்களும் பயன்பெறும் வகையில், தடுப்பூசி முகாம் 3 நாட்கள் நடைபெறுகிறது.

கிருஷ்ணகிரி புதுப் பேட்டை லட்சுமணராவ்தெருவில், நடைபெற்ற முகாமினை டிஎஸ்பி சரவணன் தொடங்கி வைத்தார்.

மிலாடி நபி விழாக்குழுத் தலைவர் அஸ்லம் ரகுமான் ஷெரீப் தலைமை வகித்தார். நகராட்சி ஆணையர் முருகேசன் முன்னிலை வகித்தார். தடுப்பூசி முகாம் இன்றும் (29-ம் தேதி), நாளையும் (30-ம் தேதி) காலை 9 மணி முதல் மதியம் 3 மணி வரை நடக்க உள்ளது. அதனால் தடுப்பூசி செலுத்திக் கொள்ளாத பொதுமக்கள் அனைவரும், கோவிஷீல்டு மற்றும் கோவேக்சின் ஆகிய மருந்துகளை முதல் மற்றும் 2-வது தடுப்பூசியாக செலுத்திக் கொள்ளலாம் என நிகழ்ச்சி ஏற்பாட்டாளர்கள் தெரிவித்தனர்.

இந்நிகழ்ச்சியில், வட்டார மருத்துவ அலுவலர் சுசித்ரா, மருத்துவர்கள் வெங்கடேசன், உமா மகேஸ்வரி, சுன்னத் ஜமாத் கமிட்டியின் அஸ்லாம், சனாவுல்லா உள்ளிட்ட பலர் கலந்து கொண்டனர்.