அகழாய்வு பணி: தொல்லியல் துறை துணை இயக்குநர் ஆய்வு :

புதுக்கோட்டை மாவட்டம் பொற்பனைக்கோட்டையில் நடைபெற்று வரும் அகழாய்வு பணியை தொல்லியல் துறையின் துணை இயக்குநர் நேற்று ஆய்வு செய்தார்.

பொற்பனைக்கோட்டையில் தமிழ்நாடு திறந்தநிலை பல்கலைக் கழகத்தின் தொல்லியல் துறை பேராசிரியர் இ.இனியன் தலைமையிலானோர் அகழாய்வு பணியில் ஈடுபட்டு வருகின்றனர். 23-வது நாளாக நேற்று அகழாய்வு பணி நடைபெற்றது.

அகழாய்வுப் பணியை தமிழ்நாடு தொல்லியல் துறை துணை இயக்குநர் ஆர்.சிவானந்தம், ஆகழாய்வு வல்லுநர் க.ராஜன் ஆகியோர் நேற்று ஆய்வு செய்தனர். ஆய்வுப் பணி குறித்து இ.இனியன் விளக்கினார்.