கோவை, திருப்பூர் உள்ளிட்ட ரயில் நிலையங்களில் பயணச்சீட்டு முன்பதிவு மையம் இன்றும் (ஆக.21), நாளையும் அரை நாள் மட்டுமே செயல்படும் என தெரிவிக்கப்பட்டுள்ளது. ஓணம் பண்டிகை இன்று கொண்டாடப்படும் நிலையில், திருப்பூர் ரயில் நிலையத்தில், இன்று மற்றும் நாளை காலை 8 மணி முதல் மதியம் 2 மணி வரை மட்டும் முன்பதிவு மையம் செயல்படும். ரயில் பயணச்சீட்டு முன்பதிவு செய்ய விரும்புவோர், குறிப்பிட்ட நேரத்துக்கு முன்பாக கவுன்ட்டருக்கு வந்து பயணச்சீட்டு முன்பதிவு செய்து கொள்ளலாம் என ரயில்வே துறை அதிகாரிகள் தெரிவித்துள்ளனர்.