பரிகார பூஜை செய்வதாக நகைகளுடன் மாயமான கல்லூரி ஊழியர் கைது :

கோவில்பட்டி முத்து நகரைச் சேர்ந்தவர் முத்துராமலிங்கம்(44). இவர், திருநெல் வேலியில் உள்ள தனியார் பொறியியல் கல்லூரியில் வேலை பார்த்து வருகிறார். இவரிடம் கோவில்பட்டி சுப்பிரமணியபுரம் 2-வது தெருவைச் சேர்ந்த அய்யனார் மனைவி பேச்சியம்மாள் என்பவர், ஜோதிடம் பார்த்துள்ளார். அப்போது, தங்க நகையை வைத்து பரிகாரம் செய்ய வேண்டும், என முத்துராமலிங்கம் தெரிவித்துள்ளார்.

இதையடுத்து பேச்சியம்மாள் வீட்டில் 7 பவுன் தங்க நகையை வைத்து, மே 7-ம் தேதி இரவு முத்துராமலிங்கம் பூஜை செய்துள்ளார்.

இதேபோல, பேச்சியம்மாள் வீட்டின் அருகே வசிக்கும் மாரியம்மாள் என்பவரின் வீட்டில் ஜூன் 1-ம் தேதி அரை பவுன் தங்க நகையை வைத்து முத்துராமலிங்கம் பரிகார பூஜை செய்துள்ளார். இந்த நகைகள் மாயமாகின. கோவில்பட்டி கிழக்கு காவல் நிலைய போலீஸார் வழக்கு பதிவு செய்து, முத்துராமலிங்கத்தை கைது செய்தனர்.