Published : 08 Jun 2021 03:15 am

Updated : 08 Jun 2021 03:15 am

 

Published : 08 Jun 2021 03:15 AM
Last Updated : 08 Jun 2021 03:15 AM

ரயிலில் மதுபானம் கடத்திய இருவர் கைது :

ரயிலில் மதுபானம் கடத்திய 2 பேரை காவல் துறையினர் கைது செய்தனர்.

ஜோலார்பேட்டை: ரயில் மூலம் வெளிமாநில மதுபாட்டில்களை கடத்தி வந்த 2 பேரை ரயில்வே காவல் துறையினர் கைது செய்தனர்.

ஜோலார்பேட்டை ரயில்வே காவல் துறையினர் 2 மற்றும் 3-வது நடைமேடையில் ரோந்துப்பணியில் ஈடுபட்டிருந்தனர். அப்போது, கர்நாடகா மாநிலத்தில் இருந்து சென்னை வரை செல்லும் அதி விரைவு ரயில் அங்கு வந்தது. அதிலிருந்து இறங்கிய 2 பேரை மடக்கி விசாரித்தபோது அவர்கள், வேலூர் மாவட்டம் பல்லகொல்லை பகுதியைச் சேர்ந்த விஸ்வநாதன் (25) என்பதும் மற்றொருவர் பெங்களூருவைச் சேர்ந்த பிரபு (37) என்பதும் தெரியவந்தது. மேலும், 2 பேரும் கர்நாடகா மாநிலத்தில் இருந்து மதுபாட்டில்களை ரயில் மூலம் கடத்தி வந்து வேலூர், திருப்பத்தூர் மாவட்டங்களில் விற்பனை செய்து வருவதும் தெரியவந்தது.


இதையடுத்து, ரயில்வே காவல் துறையினர் வழக்குப்பதிவு செய்து 2 பேரையும் கைது செய்தனர். அவர்களிடம் இருந்து 25 லிட்டர் மதுபாட்டில் களை பறிமுதல் செய்து விசாரணை நடத்தி வருகின்றனர்.



Sign up to receive our newsletter in your inbox every day!

More From This Category

More From this Author

x