நடிகர் பாண்டு கரோனா தொற்றால் காலமானார் : மு.க.ஸ்டாலின், இபிஎஸ், ஓபிஎஸ் உள்ளிட்ட தலைவர்கள் இரங்கல்

பிரபல குணச்சித்திர, நகைச்சுவை நடிகர் பாண்டு கரோனா தொற்றால் காலமானார். அவருக்கு வயது 74. பாண்டு மறைவுக்கு திமுக தலைவர் மு.க.ஸ்டாலின் உள்ளிட்ட தலைவர்கள் இரங்கல் தெரிவித்துள்ளனர்.

கரோனா தொற்றால்பாதிக்கப்பட்டதை அடுத்து,நடிகர் பாண்டு, அவரது மனைவி குமுதா இருவரும்சென்னையில் உள்ள தனியார்மருத்துவமனையில் சிகிச்சைபெற்று வந்தனர். இந்நிலையில் பாண்டு நேற்று அதிகாலை காலமானார். அவரதுமனைவி குமுதா, தீவிரசிகிச்சை பிரிவில் மருத்துவர்களின் கண்காணிப்பில் உள்ளார்.

‘கரையெல்லாம் செண்பகப் பூ’ என்ற திரைப்படம் மூலம் அறிமுகமானவர் நடிகர் பாண்டு. ‘சிரித்து வாழ வேண்டும்’, ‘கடல் மீன்கள்’, ‘பணக்காரன்’, ‘நடிகன்’, ‘நாளைய தீர்ப்பு’, ‘ராவணன்’, ‘முத்து’, ‘உள்ளத்தை அள்ளித்தா’, ‘ஏழையின் சிரிப்பில்’, ‘நினைவிருக்கும் வரை’, ‘நாட்டாமை’, ‘காதல் கோட்டை’, ‘வாலி’, ‘கில்லி’, ‘போக்கிரி’, ‘சிங்கம்’, ‘காஞ்சனா-2’ உள்ளிட்ட 200-க்கும் மேற்பட்ட படங்களில் நடித்து, சிறந்த நகைச்சுவை நடிகராக, குணசித்திர நடிகராக புகழ் பெற்றார்.

சிறந்த ஓவியராகவும் தன் திறமையை வெளிப்படுத்தியவர் பாண்டு. எழுத்துகள் வடிவமைக்கும்டிசைனராக விளங்கிய அவர் ‘கேபிட்டல்லெட்டர்ஸ்’ என்ற நிறுவனத்தையும் நடத்தி வந்தார். அந்தநிறுவனம் மூலம் பல்வேறு திரையுலக பிரபலங்களின் இல்லங்கள், நிறுவனங்களின் பெயர் பலகைகளை அழகுற வடிவமைத்து வந்தார்.

சென்னை அடையாறில் வசித்துவந்த பாண்டுவுக்கு பிரபு, பஞ்சு, பின்டு ஆகிய 3 மகன்கள் உள்ளனர். அடையாறில் உள்ள மயானத்தில் பாண்டு உடல் நேற்று மாலை தகனம் செய்யப்பட்டது. அவரது மறைவுக்கு அரசியல் தலைவர்கள், திரையுலகினர் பலரும் இரங்கல் தெரிவித்துள்ளனர். அவர்கள் கூறியிருப்பதாவது:

திமுக தலைவர் மு.க.ஸ்டாலின்: சிறந்த நகைச்சுவை நடிகர், ஓவியரான பாண்டு கரோனா தொற்றால்உயிரிழந்தது அதிர்ச்சி,வேதனை அளிக்கிறது. தென்னிந்தியாவிலேயே ஓவியஆராய்ச்சியில் முனைவர்பட்டம் பெற்ற பெருமைக்குரிய பாண்டு, நகைச்சுவையிலும் தனக்கென தனி பாணியை முத்திரையாக பதித்து புகழ்பெற்றவர். அவரது மறைவு திரையுலகுக்கு மட்டுமின்றி ஓவிய உலகுக்கும் பேரிழப்பு.

அதிமுக ஒருங்கிணைப்பாளர்கள் ஓ.பன்னீர்செல்வம், பழனிசாமி: அதிமுக நிறுவன தலைவர் எம்ஜிஆருக்கு நன்கு அறிமுகமானவரும், கலையுலகில் தனக்கென தனி முத்திரை பதித்தவரும், குணச்சித்திர நடிகருமான பாண்டு கரோனா தொற்றால் காலமான செய்தி கேட்டு வருத்தமுற்றோம்.

மார்க்சிஸ்ட் கம்யூனிஸ்ட் மாநிலச் செயலாளர் கே.பாலகிருஷ்ணன், அமமுக பொதுச் செயலாளர் டிடிவி தினகரன் மற்றும் நடிகர் சங்க நிர்வாகிகளும் அவரது மறைவுக்கு இரங்கல் தெரிவித்துள்ளனர்.

பாடகர் கோமகன் மறைவு

கோமகனுக்கு அனிதாஎன்ற மனைவி, மோனஸ்,மோவின் என 2 மகன்கள் உள்ளனர். கோமகனுக்கு சமீபத்தில் தமிழக அரசு கலைமாமணி விருது வழங்கியதுகுறிப்பிடத்தக்கது. கோமகன்மறைவுக்கு இயக்குநர் சேரன்உள்ளிட்ட பலரும் இரங்கல்தெரிவித்துள்ளனர்.