திருவள்ளூர் தொகுதிக்கு உட்பட்ட சத்தரை, காவங்கொளத்தூர், கூவம், கொண்டஞ்சேரி, கீழச்சேரி பகுதிகளில் உள்ள வீடுகளில் அதிமுகவினர், இரட்டை இலை சின்னம் பொருத்திய டோக்கனை வழங்கி, ஒரு வாக்குக்கு ரூ.4 ஆயிரம் தருவதாக கூறினார்களாம்.
இதற்கு எதிர்ப்புத் தெரிவித்து சத்தரை கடம்பத்தூர்- பேரம்பாக்கம் சாலையில் திமுகவினர் நூற்றுக்கும் மேற்பட்டோர் நேற்று சாலை மறியலில் ஈடுபட்டனர்.
இதுகுறித்து தகவலறிந்து வந்த மப்பேடு போலீஸார், உரிய நடவடிக்கை எடுப்பதாக உறுதியளித்தனர். இதையடுத்து, போராட்டத்தில் ஈடுபட்டவர்கள் சமாதானமாகி, அங்கிருந்து கலைந்துசென்றனர்.