திருவாரூர் மாவட்டம் நன்னிலம் சட்டப்பேரவைத் தொகுதியில் வண்டாம்பாளை மகா மாரியம்மன் கோயிலிலிருந்து நன்னிலம் திமுக வேட்பாளர் ஜோதிராமன் நேற்று முன்தினம் தேர்தல் பிரச்சாரத்தை தொடங்கினார்.
அப்போது, தமாகா மாவட்ட இளைஞரணித் தலைவர் எல்.ரமேஷ்குமார், அதிமுக கிளை நிர்வாகி ஆதித்யன், வட்டார இளைஞரணி துணைத் தலைவர் ராஜா ஆகியோர் அந்தந்த கட்சியில் இருந்து விலகி, திமுகவில் சேர்ந்தனர்.
இதேபோல, திருவாரூர் சட்டப்பேரவைத் தொகுதியில் வாக்குசேகரிக்க சென்ற திருவாரூர் அதிமுக வேட்பாளர் ஏ.என்.ஆர்.பன்னீர்செல்வம் முன்னிலையில் கோட்டூர் வடக்கு ஒன்றியத்துக்கு உட்பட்ட திருநெல்லிக்காவல், செல்வமணி, குலமாணிக்கம், உள்ளிட்ட பகுதிகளைச் சேர்ந்த பல்வேறு மாற்றுக் கட்சியினர் ஏராளமானோர் அதிமுகவில் இணைந்தனர்.