சிவகங்கை மாவட்டத்தில் மாணவர்கள், மருத்துவர்கள் உட்பட 25 பேருக்கு கரோனா :

சிவகங்கை மாவட்டத்தில் சில நாட்களாக கரோனா தொற்று தீவிரமடைந்து வருகிறது. கல்லல் அருகே செம்பனூரில் உள்ள அரசு மேல்நிலைப் பள்ளியில் படிக்கும் பிளஸ்-2 மாணவர்கள் மூன்று பேருக்கு கரோனா தொற்று இருப்பது உறுதியாகி உள்ளது.

அதேபோல் சிவகங்கை மஜித் சாலையில் கிளினிக் நடத்தி வரும் மருத்துவருக்கும், அதே பகுதியில் வசிக்கும் ஒரே குடும்பத்தைச் சேர்ந்த 4 பேருக்கும் பாதிப்பு ஏற்பட்டுள்ளது. வாணியங்குடியைச் சேர்ந்த அரசு மருத்துவரும் கரோனாவால் பாதிக்கப்பட்டுள்ளார்.

மாவட்டத்தில் கடந்த 2 நாட்களில் மட்டும் மொத்தம் 25 பேருக்கு கரோனா பாதிப்பு ஏற்பட்டுள்ளது. இவர்களுக்கு சிவகங்கை அரசு மருத்துவக் கல்லூரி மருத்துவமனையில் சிகிச்சை அளிக்கப்பட்டு வருகிறது.

பாதிக்கப்பட்டவர்கள் வசிக்கும் பகுதிகளில் சுகாதாரத் துறையினர் சளி மாதிரிகளை சேகரித்து வருகின்றனர்.