காஞ்சிபுரம் ஏகாம்பரநாதர் கோயிலில் - கொடியேற்றத்துடன் பிரம்மோற்சவம் தொடக்கம் :

காஞ்சிபுரம் காமாட்சி அம்பாள் சமேத ஏகாம்பரநாதர் கோயில் பிரம்மோற்சவம் கொடியேற்றத்துடன் நேற்று தொடங்கியது.

கொடியேற்றத்தை ஒட்டி சுவாமிக்கு சிறப்பு அபிஷேக அலங்காரங்கள் நடைபெற்றன. மாலையில் சிம்ம வாகனத்தில் உற்சவமும், கிளி வாகனத்தில் அம்மன் வீதியுலாவும் நடைபெற்றன.

வரும் மார்ச் 30-ம் தேதிவரை நடைபெறும் இந்த விழாவின் முக்கிய நிகழ்வான 63 நாயன்மார்கள் கண்ணாடி விமானத்தில் எழுந்தருளும் நிகழ்ச்சி மார்ச் 23-ம் தேதி நடைபெற உள்ளது.

மறுநாள் மஹா ரதோற்சவம் நடைபெறும். பங்குனி உத்திர திருக்கல்யாண விழா மார்ச் 27-ம் தேதி இரவு தொடங்குகிறது. மறுநாள் காலை 6 மணிக்கு திருக்கல்யாணம் நடைபெறும்.

மார்ச் 30-ம் தேதி கொடி இறக்கத்துடன் இந்த விழா நிகழ்ச்சிகள் நிறைவு பெறுகின்றன.