பெரம்பலூர் மாவட்டம் வடக்கு மாதவி சாலை கிரசன்ட் பள்ளி தெருவில் வசிப்பவர் ஜெயராமன் மகன் சண்முகசுந்தரம்(33). காய்கறி வியாபாரியான இவர் தனது மனைவி ரேவதி மற்றும் 5 வயது குழந்தையுடன் நேற்று முன்தினம் இரவு தனது வீட்டில் உறங்கிக்கொண்டிருந்தார். அதிகாலை 3 மணியளவில் வீட்டின் உள்ளே புகுந்த அடையாளம் தெரியாத நபர், ரேவதி அணிந்திருந்த 2 பவுன் சங்கிலியை அறுத்துக் கொண்டு தப்பியோடி விட்டார். இதுகுறித்து பெரம்பலூர் போலீஸார் விசாரித்து வருகின்றனர்.