சிவன் கோயிலில் திருவாசகம் முற்றோதல்

ஆம்பூர்: ஆம்பூர் பள்ளித்தெருவில் உள்ள சிவன் கோயிலில் பிரதோஷத்தை யொட்டி திருவாசகம் முற்றோதல் நிகழ்ச்சி நேற்று நடைபெற்றது.

திருப்பத்தூர் மாவட்டம் ஆம்பூர் பள்ளித்தெரு காந்தி நகர் பகுதியில் பழமை வாய்ந்த உமாமகேஸ்வரி சமேத  கயிலாயநாதர் சிவன் கோயில் உள்ளது. இக் கோயிலில் பிரதோஷத்தையொட்டி சிவனடியார்கள் சார்பில், ‘திருவாசகம் முற்றோதல்’ நிகழ்ச்சி நேற்று காலை 8 மணிக்கு தொடங்கி பிற்பகல் 2 மணி வரை நடைபெற்றது. இதைத்தொடர்ந்து, நேற்று மாலை பிரதோஷத்தையொட்டி நந்தி பகவானுக்கு சிறப்பு அபிஷேக, ஆராதனைகள் நடைபெற்றன. இதில், ஏராளமான பக்தர்கள் கலந்து கொண்டு சுவாமி தரிசனம் செய்தனர்.