விவசாய சட்டங்களை திரும்பப் பெற வலியுறுத்தி ஆர்ப்பாட்டம்

டெல்லியில் வேளாண் சட்டங்களை எதிர்த்து விவசாயிகள் நடத்தும் போராட்டத்துக்கு ஆதரவு தெரிவித்து, கிருஷ்ணகிரியில் ஆர்ப்பாட்டம் நடந்தது.

கிருஷ்ணகிரி சுங்கச்சாவடி அருகில், ஏஐடியுசி, இந்திய கம்யூனிஸ்ட் கட்சியினர் இணைந்து ஆர்ப்பாட்டத்தில் ஈடுபட்டனர். முனியன், பாண்டியன் ஆகியோர் தலைமை வகித்தனர். இந்திய கம்யூனிஸ்ட் கட்சியின் மாநிலக்குழு உறுப்பினர்கள் சேகர், சிவராஜ், நிர்வாகக்குழு உறுப்பினர்கள் கண்ணு, சங்கர் ஆகியோர் சிறப்புரை ஆற்றினர். ராஜ்குமார் நன்றி கூறினார். ஆர்ப்பாட்டத்தின் போது, டெல்லியில் வேளாண் சட்டங்களை எதிர்த்து விவசாயிகள் நடத்தும் போராட்டத்துக்கு ஆதரவு தெரிவித்து முழக்கம் எழுப்பினர்.

ஓசூரில் ஆர்ப்பாட்டம்

இந்திய கம்யூனிஸ்ட் மாவட்ட செயலாளர் டி.ராமச்சந்திரன் கலந்து கொண்டு கண்டன உரையாற்றினார். விவசாயிகள் சங்க மாநில துணைத் தலைவர் லகுமைய்யா, இந்திய கம்யூனிஸ்ட் மாநில குழு உறுப்பினர் பழனி, ஓசூர் மாநகர செயலாளர் ராமச்சந்திரன் உட்பட பலர் கலந்து கொண்டனர்.

சேலத்தில் ஆர்ப்பாட்டம்

ஆர்ப்பாட்டத்துக்கு, தமிழ்நாடு விவசாயிகள் சங்க செயலாளர் ராமமூர்த்தி தலைமை வகித்தார்.

வேளாண் திருத்த சட்டங்களை திரும்பப்பெற வேண்டும். டெல்லியில் போராட்டம் நடத்தும் விவசாயிகளை அழைத்து பேச்சுவார்த்தை நடத்த வேண்டும் என்பன உள்ளிட்ட கோரிக்கைகளை வலியுறுத்தி கோஷங்கள் எழுப்பினர்.

ஆர்ப்பாட்டத்தில், விவசாய சங்க செயலாளர் செல்வராஜ், இந்திய கம்யூனிஸ்ட் கட்சி மாவட்ட செயலாளர் மோகன் உட்பட பலர் கலந்து கொண்டனர்.

கு.பாளையத்தில் ஆர்ப்பாட்டம்

ஏஐடியூசி மாவட்ட பொருளர் பாலசுப்ரமணியம் தலைமை வகித்தார்.

ஆர்ப்பாட்டத்தில் கோஷங்கள் எழுப்பப்பட்டன. இதேபோல் குமாரபாளையம் அருகே பள்ளிபாளையம் பிரிவு சாலையில் இந்திய கம்யூனிஸ்ட் கட்சி சார்பில் அக்கட்சியின் நகரச் செயலாளர் கேசவன் தலைமையில் ஆர்ப்பாட்டம் நடைபெற்றது. தொழிற்சங்க நிர்வாகிகள் சுப்ரமணி, பொன்கதிரவன், பாலு, நஞ்சப்பன் உள்பட அனைத்து கட்சி தொழிற்சங்க நிர்வாகிகள் பங்கேற்றனர்.