விருதுநகர் மாவட்ட ஆட்சியர் அலுவலகம் அருகே நடைபெற்ற இந்த ஆர்ப்பாட்டத்துக்கு, கூட்டமைப்பின் மாவட்டத் தலைவர் மாரிசெல்வம் தலைமை வகித்தார். மாவட்ட ஒருங்கிணைப்பாளர் ராஜசேகரன் முன்னிலை வகித்தார். ஆர்ப்பாட்டத்தின்போது, பள்ளர், குடும்பர், காலாடி, பண்ணாடி, கடையர், தேவேந்திர குலத்தார் மற்றும் வாதிரியார் ஆகிய 7 உட்பிரிவுகளை ஒன்றிணைத்து தேவேந்திரகுல வேளாளர் என அரசாணை வெளியிடக்கோரியும், பட்டியலை விட்டு வெளியேற்றக்கோரியும் கோஷங்கள் எழுப்பினர். ஆர்ப்பாட்டத்தில் கூட்டமைப்பு நிர்வாகிகள் பலரும் கலந்து கொண்டனர்.