நவ.26-ல் காணொலி மூலம் விவசாயிகள் குறைதீர் கூட்டம்

தூத்துக்குடி: தூத்துக்குடி மாவட்டத்தில் நவம்பர் மாதத்துக்கான விவசாயிகள் குறைதீர் நாள் கூட்டம் காணொலிக்காட்சி மூலம் 26-ம் தேதி காலை 11 மணிக்கு நடத்த திட்டமிடப்பட்டுள்ளது. விவசாயிகள் தங்கள் பகுதி வட்டார வேளாண்மை உதவி இயக்குநர் அலுவலகத்தில் இதன் பொருட்டு பெயரை பதிவு செய்து “காணொலிக்காட்சி” மூலம் குறைகளை தெரிவித்து பயனடையலாம். கோரிக்கை மனுக்களை நவ.26-ம் தேதி அல்லது அதற்கு முன்னதாக வட்டார வேளாண்மை உதவி இயக்குநர் அலுவலகத்தில் ஒப்படைக்கலாம். அவை மாவட்டஆட்சியர் அலுவலகம் மூலம் பெறப்பட்டு, உரிய துறைகளுக்கு அனுப்பிஅவர்களிடமிருந்து உரிய பதில் பெற்று விவசாயிகளுக்கு அனுப்பிவைக்கப்படும் என மாவட்ட ஆட்சியர் செந்தில்ராஜ் தெரிவித்துள்ளார்.