மின்மோட்டார் திருட முயன்ற இளைஞர் கைது

திருப்பத்தூர் அருகே ஊராட் சிக்கு சொந்தமான மின்மோட்டாரை திருடிய இளைஞரை காவல் துறையினர் கைது செய்தனர்.

திருப்பத்தூர் அடுத்த கந்திலி ஒன்றியத்துக்கு உட்பட்ட எலவம்பட்டி ஊராட்சி மன்ற அலுவலகம் அருகே ஊராட்சிக்கு சொந்தமான மின்மோட்டார் உள்ளது. இந்நிலையில், நேற்று முன்தினம் இரவு அந்த மின் மோட்டாரை இளைஞர் ஒருவர் திருடிச்செல்ல முயன்றார்.

இதைக்கண்ட பொதுமக்கள் அவரை பிடித்து கந்திலி காவல் நிலையத்தில் ஒப்படைத்தனர். விசாரணையில், அவர் ஜோலார்பேட்டை அடுத்த அண்ணாடப்பட்டி கிராமத்தைச் சேர்ந்த ராஜசேகரன் (30) என்பது தெரியவந்தது.

இதைத் தொடர்ந்து, காவல் துறையினர் வழக்குப்பதிவு செய்து ராஜசேகரை கைது செய்து விசாரணை நடத்தி வருகின்றனர்.