விளையாட்டில் பதக்கம் பெற்ற : விஐடி மாணவிகளுக்கு பாராட்டு :

வேலூர்: மாநில அளவிலான விளையாட்டுப் போட்டிகளில் பதக்கங்கள் பெற்ற விஐடி மாணவிகளை, வேந்தர் கோ.விசுவநாதன் பாராட்டினார்.

சேலத்தில் மாநில அளவிலான பளுதூக்கும் போட்டி சமீபத்தில் நடைபெற்றது. இதில், வேலூர் மாவட்டத்தின் சார்பில் விஐடி முதலாம் ஆண்டு மாணவி பூர்ணா 71 கிலோ எடைப்பிரிவில் பங்கேற்று தங்கம் வென்றுள்ளார். இதன் மூலம் அடுத்த மாதம் ஒடிஷாவில் நடைபெற உள்ள தேசிய அளவிலான போட்டியில் பூர்ணா பங்கேற்க உள்ளார். அதேபோல், தமிழ்நாடு முதலமைச்சர் கோப்பைக்கான மாநில அளவிலான குத்துச்சண்டை போட்டி சமீபத்தில் நடைபெற்றது. இதில், வேலூர் மாவட்டத்தின் சார்பில் பங்கேற்ற விஐடி மாணவி தேவதர்ஷினி, 48-51 கிலோ எடைப் பிரிவில் வெண்கலப் பதக்கத்துடன் ரூ.50 ஆயிரம் பரிசுத் தொகையும் பெற்றுள்ளார்.

மாநில அளவிலான போட்டிகளில் வெற்றி பெற்று வேலூர் மாவட்டத்துக்கும் விஐடி பல்கலைக்கழகத்துக்கு பெருமை சேர்த்துள்ள மாணவிகள் பூர்ணா மற்றும் தேவதர்ஷினி ஆகியோரை விஐடி வேந்தர் கோ.விசுவநாதன், துணைத்தலைவர்கள் சங்கர் விசுவநாதன், சேகர் விசுவநாதன், ஜி.வி. செல்வம், துணைவேந்தர் ராம்பாபு கோடாளி, இணை துணை வேந்தர் நாராயணன் உள்ளிட்டோர் பாராட்டினர்.