சிவகிரியில் 43 மி.மீ. மழை பதிவு :

திருநெல்வேலியில் நேற்று காலை 8 மணி வரையிலான 24மணி நேரத்தில் அதிகபட்சமாக 24.4 மி.மீ. மழை பதிவாகியிருந்தது. பாளையங்கோட்டையில் 24 மி.மீ., மூலக்கரைப்பட்டியில் 10 மி.மீ., சேரன்மகாதேவியில் 6 மி.மீ., அம்பாசமுத்திரத்தில் 2 மி.மீ. மழை பெய்திருந்தது. பாபநாசம் அணை நீர்மட்டம்136.10 அடியாக இருந்தது. அணைக்கு விநாடிக்கு 1,631 கனஅடி தண்ணீர் வந்து கொண்டிருந்தது.

தென்காசி

தென்காசி மாவட்டத்தில் நேற்று முன்தினம் இரவில் இடி, மின்னலுடன் பரவலாக மழை பெய்தது. நேற்று காலை 8 மணிவரை 24 மணி நேரத்தில் மாவட்டத்தில் அதிகபட்சமாக சிவகிரியில் 43 மி.மீ. மழை பதிவானது.ஆய்க்குடியில் 42 மி.மீ., சங்கரன்கோவிலில் 32 மி.மீ., மழை பதிவானது. நேற்று மாலையில் சுரண்டை, சுந்தரபாண்டியபுரம், கீழப்பாவூர், தென்காசி பகுதியில் பலத்த மழை பெய்தது.