மீனாட்சி கோயிலில் திருக்கார்த்திகை உற்சவம் நவ.14-ல் தொடக்கம் :

மதுரை மீனாட்சியம்மன் கோயில் இணை ஆணையர் க.செல்லத்துரை வெளியிட்ட செய்திக்குறிப்பு:

மதுரை மீனாட்சியம்மன் கோயிலில் திருக்கார்த்திகை உற்சவம் நவ.14 முதல் நவ.23 வரை நடைபெற உள்ளது. உற்சவத்தின் 10 நாட்களும் மீனாட்சி சுந்தரேசுவரர் பஞ்சமூர்த்திகளுடன் காலை, மாலை ஆடி வீதியில் புறப் பாடாகி அருள்பாலிப்பர்.

நவ.19-ம் தேதி திருக் கார்த்திகை அன்று மாலை கோயில் முழுவதும் லட்ச தீபம் ஏற்றப்படும். அன்றைய தினம் இரவு 7 மணியளவில் மீனாட்சி சுந்தரேசுவரர் பஞ்சமூர்த்திகளுடன் புறப்பாடாகி, அம்மன் சன்னதி திருவாட்சி மண்டபம் சென்று சுவாமி சன்னதி, அம்மன் சன்னதி சித்திரை வீதியில் சொக்கப்பனை ஏற்றும் நிகழ்ச்சியில் எழுந்தருளுவர். பின்னர் சொக்கப்பனை ஏற்றப்படும். உபய தங்கரத உலா மற்றும் உபய திருக்கல்யாணம் ஆகிய விசேஷங்கள் ஏதும் நடைபெறாது.