கரூர் திருமாநிலையூர் காமராஜ் நகரில் தீபாவளியன்று விதிகளை மீறி பட்டாசு வெடித்ததாக சுக்காலியூர் சாலைபுதூரைச் சேர்ந்த சாமிவளவன்(23), திருமாநிலையூர் கொடியரசு(20) ஆகியோர் மீது தாந்தோணிமலை போலீஸார் வழக்குப் பதிவு செய்து, கைது செய்தனர்.
அதேபோல, கடந்த 5-ம் தேதி விதிகளை மீறி பட்டாசு வெடித்ததாக அரவக்குறிச்சி புதுத்தெருவைச் சேர்ந்த தினேஷ்வரனை(26) அரவக்குறிச்சி போலீஸாரும், வேலாயுதம்பாளையம் டிஎன்பிஎல் சாலையைச் சேர்ந்த ரகுவரன்(31), வேலாயுதம்பாளையத்தைச் சேர்ந்த 16 வயது சிறுவன் ஆகியோரை வேலாயுதம்பாளையம் போலீஸாரும் கைது செய்தனர்.