ராமநாதபுரம் அருகே பைக் - பேருந்து மோதி 2 பேர் உயிரிழப்பு :

ராமநாதபுரம் அருகே பைக் மீது அரசு பேருந்து மோதியதில் இருவர் உயிரிழந்தனர்.

ராமநாதபுரம் வழிவிடு முருகன் கோயில் பகுதியைச் சேர்ந்தவர் ராஜேஷ் கண்ணன். ஸ்டுடியோ வைத்துள்ளார். சந்தைக்கடை பகுதியைச் சேர்ந்தவர் பிரகாஷ். வெல்டிங் பட்டறை வைத்துள்ளார். இருவரும் பைக்கில் தீபாவளியன்று மாலை ராமநாதபுரம் அருகே காரிக்கூட்டம் நோக்கிச் சென்றனர். காரிக்கூட்டம் பேருந்து நிறுத்தம் பகுதியில் பைக் திரும்பியபோது, குமுளியில் இருந்து ராமேசுவரம் சென்ற அரசு பேருந்து மோதியதில் இருவரும் இறந்தனர். இதுகுறித்து கேணிக்கரை போலீஸார் வழக்குப் பதிவு செய்து விசாரித்து வரு கின்றனர்.