திருவானைக்காவல் கோயிலில் - குபேரலிங்கத்துக்கு அன்னாபிஷேகம் :

ஐப்பசி மாத பவுர்ணமியையொட்டி திருவானைக்காவல் ஜம்புகேஸ்வரர் அகிலாண்டேஸ்வரி கோயிலில் உள்ள குபேரலிங்கத்துக்கு நேற்று அன்னாபிஷேகம் நடைபெற்றது.

திருவானைக்காவல் ஜம்புகேஸ்வரர் அகிலாண்டேஸ்வரி கோயிலில் 40 படி அரிசியால் சாதம் சமைத்து கோயிலின் தெற்கு கோபுரம் அருகிலுள்ள குபேரலிங்கத்துக்கு அன்னாபிஷேகம் நடைபெற்றது. இந்த நிகழ்ச்சியில் ஏராளமான பக்தர்கள் பங்கேற்று தரிசனம் செய்தனர்.

பின்னர், பக்தர்களுக்கு அன்னம் பிரசாதமாக வழங்கப்பட்டது. இதேபோன்று திருவானைக்காவல் வடக்குத் தெருவில் உள்ள காசிவிஸ்வநாதர் கோயில், தெப்பக்குளம் அருகிலுள்ள கரியமாலீஸ்வரர், அம்மா மண்டபம் காசி விஸ்வநாதர் கோயில்களிலும், திருவெறும்பூர் எறும்பீஸ்வரர் கோயிலின் கிரிவலப் பாதையில் உள்ள  கட்டக்கழி சித்தர் சமாதியிலும் அன்னாபிஷேகம் நடைபெற்றது.