திருச்சியில் இன்று காணொலி மூலம் விவசாயிகள் குறைதீர் கூட்டம் :

திருச்சி மாவட்ட ஆட்சியர் சு.சிவராசு வெளியிட்ட செய்திக்குறிப்பு: திருச்சி மாவட்ட விவசாயிகள் குறைதீர் கூட்டம் ஆக.26-ம் தேதி (இன்று)காலை 10.30 மணிக்கு காணொலிக் காட்சி மூலம் நடைபெறவுள்ளது.

விவசாயிகள், விவசாய சங்க பிரதிநிதிகள் அந்தந்த வட்டாரங்களில் உள்ள வேளாண்மை உதவி இயக்குநர் அலுவலகங்களில் இருந்து காணொலிக் காட்சி வாயிலாக இக்கூட்டத்தில் பங்கேற்கலாம். கரோனா பரவலைக் கட்டுப்படுத்தும் வகையில் விவசாயிகள் சமூக இடைவெளியுடன், முகக்கவசம் அணிந்து பங்கேற்க வேண்டும் என அவர் தெரிவித்துள்ளார்.