Published : 09 Jun 2021 03:16 am

Updated : 09 Jun 2021 03:16 am

 

Published : 09 Jun 2021 03:16 AM
Last Updated : 09 Jun 2021 03:16 AM

போதை மாத்திரை விற்ற இளைஞர் : திருப்பரங்குன்றம் அருகே கைது :

வினோத்

மதுரை: மதுரை திருப்பரங்குன்றம் அருகேயுள்ள ஹார்விபட்டியில் இளைஞர்கள் மற்றும் மதுப்பிரியர்களுக்குப் போதை மாத்திரை விற்பனை செய்வதாக திருநகர் காவல் துறையினருக்கு தகவல் கிடைத்தது. அதன்பேரில் போலீஸார் அப்பகுதியில் ரோந்து சென்றனர். அப்போது சந்தேகத்துக்கிடமான வகையில் இரு சக்கர வாகனத்தில் சுற்றிய ஒருவரை பிடித்து விசாரித்தனர்.

அவர் நிலையூரைச் சேர்ந்த வினோத்(26) என்பதும், தனது கூட்டாளியான ஹார்விபட்டியைச் சேர்ந்த சதீஷுடன் சேர்ந்து போதை மாத்திரைகள் விற்பனை செய்ததும் தெரிய வந்தது.

வினோத்தை போலீஸார் கைது செய்து அவரிடம் இருந்து சுமார் 750 போதை மாத்திரைகள், இரு சக்கர வாகனத்தை பறிமுதல் செய்தனர். தலைமறைவான சதீஷை தேடிவருகின்றனர்.


சில தினங்களுக்கு முன்பு நாகமலை புதுக்கோட்டையில் போதை மாத்திரை விற்ற சிலர் கைது செய்யப்பட்டனர் என்பது குறிப்பிடத்தக்கது.



Sign up to receive our newsletter in your inbox every day!

More From This Category

More From this Author

x