ஈரோடு மாநகராட்சிக்குட்பட்ட மாணிக்கம்பாளையம் பகுதியில் ரேஷன் கடை பணியாளர்கள் குடும்ப அட்டைதாரர்களின் வீடு களுக்குச் சென்று கரோனா நிவாரண உதவித்தொகைக்கான டோக்கன் விநியோகம் செய்தனர். இப்பணியை ஈரோடு மாவட்ட ஆட்சியர் சி.கதிரவன் நேரில் ஆய்வு செய்தார். அப்போது ஆட்சியர் கூறியதாவது:
அனைத்து அரிசி குடும்ப அட்டைதாரர்களுக்கும் கரோனா நிவாரண உதவித்தொகையாக முதல் தவணையாக ரூ.2 ஆயிரம் வழங்க முதல்வர் உத்தரவிட்டுள் ளார். இதனைத்தொடர்ந்து ஈரோடு மாவட்டத்தில் உள்ள 7.13 லட்சம் அரிசி குடும்ப அட்டைதாரர்களுக்கு நேற்று முதல் நாளை வரை (12-ம் தேதி) நாளொன்றுக்கு 200 குடும்ப அட்டைதாரர்களுக்கு வீடுதோறும் சென்று ரேஷன் கடைப் பணி யாளர்கள் மூலம் டோக்கன் விநியோகம் செய்யப்படும்.
இதையடுத்து 15-ம் தேதி முதல் தலா ரூ.2 ஆயிரத்தை டோக்கன்களில் குறிப்பிட்ட நாளில் ரேஷன் கடைகளுக்கு சென்று சமூக இடைவெளியை பின்பற்றி முகக்கவசம்அணிந்து பெற்றுக் கொள்ள வேண்டும்.
இவ்வாறு அவர் கூறினார்.