சிவகங்கை மாவட்டம், காளையார்கோவில் அடுத்த உழவூரணி வளைவில் சென்றபோது காரை திருப்ப முடியாமல் போனதால் நிலைதடுமாறி சாலையோரம் இருந்த பள்ளத்தில் கார் கவிழ்ந்தது. இதில் அல்லிராணி (45), அவரது உறவினர் சாயல்குடியைச் சேர்ந்த ஆறுமுகம் (65) ஆகியோர் உயிரிழந்தனர். மேலும் 9 பேர் காயமடைந்தனர். இதில் மதுரை முல்லை நகரைச் சேர்ந்த ராஜா (52) மருத்துவமனைக்குக் கொண்டுச் செல்லும் வழியில் இறந்தார். மற்றவர்கள் சிவகங்கை அரசு மருத்துவமனையில் அனுமதிக்கப்பட்டனர். காளையார்கோவில் போலீஸார் விசாரிக்கின்றனர்.