Published : 09 Apr 2021 03:12 am

Updated : 09 Apr 2021 03:12 am

 

Published : 09 Apr 2021 03:12 AM
Last Updated : 09 Apr 2021 03:12 AM

திருச்சி ஜங்ஷன்-பாலக்காடு டவுன் ரயில் இயக்கத்தில் மாற்றம் :

சேலம்: ஈரோடு வழியாக இயங்கும் திருச்சி ஜங்ஷன் பாலக்காடு டவுன் சிறப்பு ரயில் நாளை (10-ம் தேதி) ஒரு நாள் இரு மார்க்கத்திலும் ஈரோடு-பாலக்காடு வரை மட்டுமே இயக்கப்படும்.

திருச்சி ஜங்ஷன்-பாலக்காடு இடையே இரு மார்க்கத்திலும் ஈரோடு வழியாக சிறப்பு ரயில் இயக்கப்பட்டு வருகிறது. இந்நிலையில், ஈரோடு- சாவடிபாளையம் இடையிலான ரயில் பாதையில், ரயில்வே கேட்டில் சுரங்கப்பாதை கட்டுமானப் பணி நடைபெற்று வருகிறது.


இதனால், திருச்சி ஜங்ஷன்-பாலக்காடு டவுன் சிறப்பு ரயில் (எண்06843) இயக்கம், திருச்சி முதல் ஈரோடு வரை நாளை (10-ம் தேதி) ஒருநாள் மட்டும் ரத்து செய்யப்படுகிறது. இந்த ரயில் ஈரோடு ஜங்ஷனில் இருந்து பாலக்காடு டவுன் வரை மட்டுமே இயக்கப்படும்.

மறுமார்க்கத்தில் பாலக்காடு டவுன்-திருச்சி ஜங்ஷன் ரயில் (எண் 06844) இயக்கம், நாளை ஒருநாள் மட்டும் ஈரோடு முதல் திருச்சி வரை ரத்து செய்யப்படுகிறது. இந்த ரயில் பாலக்காடு டவுன்- ஈரோடு ஜங்ஷன் வரை மட்டுமே இயக்கப்படும் என சேலம் ரயில்வே கோட்டம் அறிவித்துள்ளது.



Sign up to receive our newsletter in your inbox every day!

You May Like

More From This Category

More From this Author

x