பெரம்பலூர் தொகுதியில் அதிமுக சார்பில் போட்டியிடும் இரா.தமிழ்செல்வன், பெரம்பலூர் ஒன்றியம் கீழக்கணவாய், புது வேலூர், வேலூர், சத்திரமனை, களரம்பட்டி, அம்மாபாளையம், லாடபுரம், மேலப்புலியூர், நாவலூர் உள்ளிட்ட பகுதிகளில் நேற்று பிரச்சாரத்தில் ஈடுபட்டார்.
அப்போது, வேலூர் கிராமத்தில் வாக்கு சேகரித்தபோது, அங்குள்ள திமுக துணைப் பொதுச் செயலாளரும், எம்.பியுமான ஆ.ராசா வீட்டுக்குச் சென்று அங்கிருந்த ராசாவின் சகோதரர் கலியபெருமாளுக்கு பொன்னாடை அணிவித்து ஆதரவு கேட்டார். பதிலுக்கு கலியபெருமாளும் தமிழ்ச்செல்வனுக்கு பொன்னாடை போர்த்தி கவுரவித்தார். அரசியல் வேறுபாடுகளை மறந்து ஒருவருக்கொருவர் மரியாதை அளித்ததை மக்கள் பாராட்டினர்.