நாமக்கல்லில் நாளை ஸ்டாலின் பிரச்சாரம் :

நாமக்கல்லில் நாளை (16-ம் தேதி) திமுக தலைவர் ஸ்டாலின் தேர்தல் பிரச்சார கூட்டத்தில் பங்கேற்கிறார்.

நாமக்கல் கிழக்கு மாவட்ட திமுக அலுவலகத்தில் நாமக்கல் தொகுதி திமுக வேட்பாளர் அறிமுகக் கூட்டம் நடைபெற்றது. கிழக்கு மாவட்ட பொறுப்பாளர் கே.ஆர்.என். ராஜேஸ்குமார் தலைமை வகித்துப் பேசியதாவது:

நாமக்கல் கிழக்கு மற்றும் மேற்கு மாவட்டத்தில் உள்ள நாமக்கல், சேந்தமங்கலம், ராசிபுரம், திருச்செங்கோடு, பரமத்திவேலூர் ஆகிய 5 சட்டப்பேரவைத் தொகுதி களைச் சேர்ந்த வேட்பாளர்களை ஆதரித்து நாளை (16-ம் தேதி) மாலை 4 மணிக்கு திமுக தலைவர் மு.க. ஸ்டாலின் பிரச்சாரம் செய்கிறார்.

ஈரோடு மாவட்டத்துக்கு பிரச்சாரம் செய்ய வரும்போது குமாரபாளையம் தொகுதி வேட்பாளர் வெங்கடாசலத்தை ஆதரித்து பிரச்சாரம் செய்வார்.

இவ்வாறு அவர் பேசினார்.

கூட்டத்தில், வேட்பாளர் ராமலிங்கம் உட்பட பலர் கலந்து கொண்டனர்.