கிருஷ்ணகிரி அரசு கல்லூரிக்கு ரூ.20 லட்சம் மதிப்பில் இருக்கைகளை எம்எல்ஏ செங்குட்டுவன் வழங்கினார்.
கிருஷ்ணகிரி அரசு கல்லூரிக்கு, சட்டப்பேரவை தொகுதி மேம்பாட்டு நிதியில் இருந்து ரூ.20 லட்சம் மதிப்பில் 200 பென்ச் மற்றும் டெஸ்க் ஆகியவற்றை வழங்கும் நிகழ்ச்சி கல்லூரி கூட்ட அரங்கில் நடந்தது. கல்லூரி முதல்வர் லட்சுமி தலைமை வகித்தார். கணிதத் துறை தலைவர் பாலசுப்பிரமணியம் வரவேற்றார். நிகழ்ச்சியில் சிறப்பு விருந்தினராக பங்கேற்ற கிருஷ்ணகிரி சட்டப்பேரவை உறுப்பினரும், கிழக்கு மாவட்ட திமுக பொறுப்பாளருமான செங்குட்டுவன், தனது தொகுதி மேம்பாட்டு நிதியில் இருந்து ரூ.20 லட்சம் மதிப்பில் 200 பென்ச் மற்றும் டெஸ்க் ஆகியவற்றை வழங்கினார். தாவரவியல் துறைத் தலைவர் ரவி நன்றி கூறினார்.