Published : 24 Dec 2020 07:22 am

Updated : 24 Dec 2020 07:22 am

 

Published : 24 Dec 2020 07:22 AM
Last Updated : 24 Dec 2020 07:22 AM

பாரதியார் பல்கலைக்கழகத்தில் சிவில் சர்வீஸ் தேர்வுக்கு ரூ.3,000 உதவித்தொகையுடன் இலவச பயிற்சி

கோவை

பாரதியார் பல்கலைக்கழகம் வெளியிட்டுள்ள செய்திக் குறிப்பு: மத்திய அரசுப் பணியாளர் தேர்வாணையம் சார்பில், சிவில் சர்வீஸ் முதல்நிலைத் தேர்வு வரும் 2021-ம் ஆண்டு ஜூன் 27-ம் தேதி நாடு முழுவதும் நடைபெற உள்ளது. இதற்கான முழு நேர இலவசப் பயிற்சி முகாம் பாரதியார் பல்கலைக்கழகத்தில் வரும் பிப். 15-ம் தேதி முதல் தொடங்கப்பட உள்ளது. வரும் ஜன. 30-ம் தேதி நடத்தப்படும் நுழைவுத்தேர்வு அடிப்படையில் மாணவ, மாணவிகள் தேர்வு செய்யப்பட உள்ளனர். அன்று காலை 11 மணி முதல் மதியம் ஒரு மணி வரை நுழைவுத்தேர்வு நடைபெறும்.

நுழைவுத்தேர்வுக்கான விண்ணப்பம் www.b-u.ac.in என்ற இணையதளத்தில் வெளியிடப்பட்டுள்ளது. மாணவர்கள் அதைபதிவிறக்கம் செய்து, பூர்த்தி செய்து, கல்வி, ஜாதிச் சான்றிதழ்கள், ரூ. 5 அஞ்சல்தலை ஒட்டப்பட்டு, சுய முகவரி எழுதப்பட்ட அஞ்சல் உரை ஆகியவற்றை இணைத்து, `ஒருங்கிணைப்பாளர் மற்றும் பயிற்சி இயக்குநர், அண்ணா நூற்றாண்டு நினைவு குடிமைப்பணியியல் பயிற்சி மையம், நாச்சிமுத்து அரங்கம், பாரதியார் பல்கலைக்கழகம், கோவை-46' என்ற முகவரிக்கு வரும் ஜன. 5-ம் தேதிக்குள் கிடைக்குமாறு அனுப்பி வைக்க வேண்டும்.


தேர்வு செய்யப்படுவோருக்கு மாதம் ரூ.3,000 உதவித்தொகை, பயிற்சி, தங்குமிடம் இலவசமாக வழங்கப்படும்.



Sign up to receive our newsletter in your inbox every day!

You May Like

More From This Category

More From this Author

x