சென்னையில் இருந்து கோவை மாவட்டத்துக்கு மதுபானங்கள் ஏற்றிய லாரி நேற்று சென்று கொண்டிருந்தது. திருப்பத்தூர் - சேலம் சாலையில் சென்று கொண்டிருந்த போது, ஊத்தங்கரை அருகே உள்ள பெட்ரோல் பங்க் முன்பு, லாரியின் பின்பகுதியில் கட்டப்பட்டிருந்த கயிறு கழன்று விழுந்தது. இதில் லாரியில் இருந்த 30-க்கும் மேற்பட்ட மதுபான பெட்டிகள் சாலையில் விழுந்தன. அவற்றில் இருந்த ரூ.1 லட்சம் மதிப்புள்ள மதுபான பாட்டில்கள் உடைந்து சேதமடைந்தன. உடையாத மதுபாட்டில்களை அங்கிருந்தவர்கள் எடுத்துச் சென்றனர். தகவலறிந்து வந்த ஊத்தங்கரை போலீஸார் உடையாமல் இருந்த மதுபான பாட்டில்களை மீட்டனர்.