Published : 21 Nov 2020 03:16 am

Updated : 21 Nov 2020 03:16 am

 

Published : 21 Nov 2020 03:16 AM
Last Updated : 21 Nov 2020 03:16 AM

வாக்காளர் பட்டியலில் பெயர் சேர்க்க இன்று முதற்கட்ட சிறப்பு முகாம்

கோவை/திருப்பூர்: 2021-ம் ஆண்டு ஜனவரி 1-ம் தேதியை தகுதிநாளாகக் கொண்டு வரைவு வாக்காளர் பட்டியல் சமீபத்தில் வெளியிடப்பட்டது. அதைத் தொடர்ந்து வாக்காளர் பட்டியலில் பெயர் சேர்க்க, நீக்க, திருத்தம் செய்ய கோட்டாட்சியர் மற்றும் வட்டாட்சியர் அலுவலகங்களில் வரும் டிசம்பர் 15-ம் தேதி வரை விண்ணப்பிக்கலாம் என அறிவிக்கப்பட்டது. மேலும், நவம்பர் 21, 22, டிசம்பர் 12, 13-ம் தேதிகளில் அனைத்து வாக்குச்சாவடி மையங்களிலும் சிறப்பு முகாம் நடத்தப்படும் என அறிவிக்கப்பட்டது. அதன்படி, கோவை, திருப்பூர் மாவட்டங்களில் வாக்காளர் பட்டியலில் பெயர் சேர்க்க, நீக்க, திருத்தம் செய்ய முதற்கட்ட சிறப்பு முகாம் இன்று நடைபெறுகிறது.

வாக்காளர் பட்டியலில் பெயர் சேர்க்க படிவம் 6-ன் மூலமாகவும், பதிவை நீக்கம் செய்ய படிவம் 7-ன் மூலமாகவும், திருத்தம் செய்ய படிவம் 8-ன் மூலமாகவும், ஒரே சட்டப்பேரவை தொகுதிக்குட்பட்டவர்கள் முகவரி மாற்றம் செய்ய படிவம் 8ஏ மூலமாகவும், ஒரு தொகுதியில் இருந்து வேறு சட்டப்பேரவை தொகுதிக்கு முகவரி மாறியவர்கள் படிவம் 6 மூலமாகவும் விண்ணப்பிக்க வேண்டும் என கோவை, திருப்பூர் மாவட்ட தேர்தல் பிரிவு அதிகாரிகள் தெரிவித்தனர்.


Sign up to receive our newsletter in your inbox every day!

You May Like

More From This Category

More From this Author

x