திருநெல்வேலி மாவட்ட விளையாட்டு மற்றும் இளைஞர் நலன்அலுவலர் அலுவலகம் வெளியிட்ட செய்திக்குறிப்பு:
2021-ம் ஆண்டுக்கான தமிழகஅரசின் வீரதீர விருது பெற தகுதியானவர்களிடம் இருந்து விண்ணப்பங்கள் வரவேற்கப்படுகின்றன. ஒவ்வொரு ஆண்டும்குடியரசு தினவிழாவின்போது இந்த விருதுகள் வழங்கப்படுகின்றன. தீயணைப்பு துறையினர், காவல்துறையினர், பொதுமக்கள் மற்றும் ஆயுதப்படையினர் இவ்விருதுக்கு விண்ணப்பிக்க தகுதி பெற்றவர்கள் ஆவர்.
இயற்கை பேரழிவுகள், விபத்து, நீரில் மூழ்கியவர்களை காப்பாற்றுதல், தீ விபத்துகள், தீவிரவாத தாக்குதல், திருட்டு மற்றும் வழிப்பறி சம்பவங்களை தடுத்தவர்கள் ஆகியோருக்கு வீரதீர செயல்கள்புரிந்தமைக்காக அண்ணா வீர தீரவிருதுகளை தமிழக அரசு வழங்கி வருகிறது.
விண்ணப்பங்களை http://awards.tn.gov.in என்ற முகவரியில் பதிவிறக்கம் செய்து, பூர்த்தி செய்து பாளையங்கோட்டையில் அண்ணா விளையாட்டரங்கில் உள்ள மாவட்ட விளையாட்டு அலுவலர் அலுவலகத்தில் நாளைக்குள் (18-ம் தேதி) கிடைக்கும்படி செய்ய வேண்டும். இவ்வாறு தெரிவிக்கப்பட்டுள்ளது.