Published : 10 Jun 2021 03:11 am

Updated : 10 Jun 2021 03:11 am

 

Published : 10 Jun 2021 03:11 AM
Last Updated : 10 Jun 2021 03:11 AM

2-டிஜி கரோனா மருந்து பாக்கெட் விலை ரூ.990 ஆக நிர்ணயம் :

பாதுகாப்பு ஆராய்ச்சி மற்றும் மேம்பாட்டு நிறுவனம் (டிஆர்டிஓ) கண்டுபிடித்துள்ள 2-டிஜி கரோனா மருந்து பாக்கெட் விலை ரூ.990 ஆக நிர்ணயிக்கப்பட்டுள்ளது.

டிஆர்டிஓ அமைப்பின் ஆய்வகமான இன்ஸ்டிடியூட் ஆப் நியூக்ளியார் மெடிசின் அண்ட் அலைடு சயின்சஸ், கரோனா தொற்றால் பாதிக்கப்பட்டவர்களை குணப்படுத்த உதவும் 2-டிஜி என்ற மருந்தை கண்டுபிடித்துள்ளது. தூள் வடிவிலான இந்த மருந்தை தயாரித்து விற்பனை செய்ய ஹைதராபாத்தை தலைமையகமாகக் கொண்டு செயல்படும் டாக்டர் ரெட்டிஸ் நிறுவனத்துக்கு அனுமதி வழங்கப்பட்டுள்ளது.


இந்நிலையில், டாக்டர் ரெட்டிஸ் நிறுவனத்தின் தலைமை செயல் அதிகாரி தீபக் சப்ரா நேற்று முன்தினம் கூறும்போது, “கரோனா நோயாளிகளை குணப்படுத்தும் 2-டிஜி மருந்தின் ஒரு பாக்கெட் விலை ரூ.990 ஆக நிர்ணயிக்கப்பட்டுள்ளது. உற்பத்தியை அதிகரித்து நாடு முழுவதும் உள்ள அனைத்து தரப்பு மக்களுக்கும் விரைவில் கிடைக்க நடவடிக்கை எடுக்கப்படும்” என்றார்.

டாக்டர் ரெட்டிஸ் நிறுவனம் கடந்த மாதம் வெளியிட்ட அறிக்கையில், “நாடு முழுவதும் உள்ள அனைத்து தரப்பு மக்களும் வாங்கும் வகையில் 2-டிஜி மருந்தின் விலை நிர்ணயம் செய்யப்படும்” என கூறப்பட்டிருந்தது.

ஆனால், அந்த மருந்துக்கு இப்போதுஅதிக விலை நிர்ணயிக்கப்பட்டிருப்பது அனைவரையும் அதிர்ச்சியில் ஆழ்த்திஉள்ளது.



Sign up to receive our newsletter in your inbox every day!

More From This Category

More From this Author

x