விதிமுறைகளை மீறி செயல்பட்ட - 13 பட்டாசு ஆலைகளின் உரிமங்கள் தற்காலிக ரத்து :

திருத்தங்கலில் விதிமுறைகளை மீறி செயல்பட்ட 13 பட்டாசு ஆலைகளின் உரிமங்கள் தற்காலிகமாக ரத்து செய்யப்பட்டுள்ளன.

சாத்தூர் அருகே உள்ள அச்சங்குளத்தில் ஒரு பட்டாசு ஆலையில் பிப்.12-ம் தேதி ஏற்பட்டவெடி விபத்தில் 23 தொழிலாளர்கள் உயிரிழந்தனர். அதை யடுத்து, மாவட்டத்தில் உள்ள1,070 பட்டாசு ஆலைகளையும் ஆய்வு செய்வதற்காக வட்டாட்சியர்கள் தலைமையில் 7 கண்காணிப்புக் குழுக்கள் அமைக்கப்பட்டன.

அதிகாரிகள் ஆய்வு

இதேபோல் சிறப்புக் குழுவினரின் ஆய்வில் வி.முத்துராமலிங்கபுரத்தில் உள்ள 2 பட்டாசு ஆலைகள், சிவகாசி அருகே உள்ள செங்கமலப்பட்டி, ஆலமரத்துப்பட்டி, திருத்தங்கல், சாமிநத்தம், பட்டம் புதூர், வச்சக்காரப்பட்டி, சாத்தூர் அருகே மேட்டமலை ஆகிய இடங்களில் உள்ள தலா ஒரு பட்டாசு ஆலைகள் மற்றும் விருதுநகர் அருகே சின்னவாடி, கோட்டநத்தம் கிராமத்தில் உள்ள 2 பட்டாசு ஆலைகள் என மொத்தம் 13 பட்டாசு ஆலைகளின் உரிமங்கள் தற்காலிகமாக ரத்து செய்யப்பட்டுள்ளன. இதற்கான உத்தரவை ஆட்சியர் இரா.கண்ணன் பிறப்பித்துள்ளார்.

விருதுநகர் மாவட்டத்தில் விதிமீறல் தொடர்பாக இதுவரை 80-க்கும் மேற்பட்ட பட்டாசுஆலைகளின் உரிமங்கள் தற்காலிகமாக ரத்து செய்யப்பட்டுள்ளது குறிப்பிடத்தக்கது.