ஆன்டிகுவாவில் வசித்து வந்த மெகுல் சோக்சி மாயம் :

பஞ்சாப் நேஷனல் வங்கியில்ரூ.13,500 கோடியை மோசடி செய்த வழக்கில் மெகுல் சோக்சி இந்தியாவிலிருந்து தப்பினார்.

ஆன்டிகுவா மற்றும் பார்படா தீவில் முதலீட்டுத் திட்டம் மூலம் குடியுரிமையை பெற்ற மெகுல் சோக்சி கடந்த 2018-ம் ஆண்டு முதல் அங்கு வசித்து வந்தார். இந்நிலையில் கடந்த 23-ம் தேதி காரில் பயணித்த மெகுல் சோக்சி அதன் பிறகு காணவில்லை என்று ராயல் போலீஸ் ஃபோர்ஸ் ஆஃப் கரீபியன் தெரிவித்துள்ளது.

ஆன்டிகுவா போலீசார் வெளியிட்ட அறிக்கையில், “கடந்த 23-ம்தேதி மெகுல் சோக்சி காரில் செல்வதைக் கண்டோம். அவருடைய காரைக் கைப்பற்றி உள்ளோம். அவருடைய புகைப்படத்தை தீவின் பல்வேறு நகரங்களுக்கும் அனுப்பி தேடுதலை தீவிரப்படுத்தியுள்ளோம்” என கூறப்பட்டுள்ளது.