பிரதமர், முதல்வர்கள் இரங்கல் :

பிரதமர் நரேந்திர மோடி: விதியின் விளையாட்டு, ஒரு திறமையான நடிகரை நம்மிடம் இருந்து பறித்துச் சென்றுவிட்டது. எதிர்கால த‌லைமுறையினர் புனித் ராஜ்குமாரின் படங்கள் மற்றும் அற்புதமான ஆளுமைக்காக அவரை அன்புடன் நினைவுகூருவர். புனித் ராஜ்குமாரின் குடும்பத்தினருக்கும் ரசிகர்களுக்கும் இரங்கல்கள்.

தமிழக முதல்வர் மு.க.ஸ்டாலின்: பழம்பெரும் நடிகர் ராஜ்குமாரின் மகன் புனித் மறைந்த செய்தி அறிந்து பெரும்அதிர்ச்சியும் வேதனையும் அடைந்தேன். எங்கள் இருவரது குடும்பங்களும் பல்லாண்டுகளாக நல்ல உறவை பேணிவந்துள்ளோம். அந்த வகையில் இது எனக்கு தனிப்பட்ட இழப்பாகும்.

கர்நாடக முதல்வர் பசவராஜ் பொம்மை: புனித்தின் இறப்பு ஒட்டுமொத்த கர்நாடகாவுக்கும் சோகத்தை அளித்துள்ளது. அவர் இறந்த செய்தி அறிந்து, அப்படியே அதிர்ச்சியில் உறைந்துவிட்டேன்.

குடியரசு துணைத் தலைவர் வெங்கய்ய நாயுடு, கேரள முதல்வர் பினராயி விஜயன் உள்ளிட்டோரும் இரங்கல் தெரிவித்துள்ளனர்.