காலாவதியான எல்ஐசி பாலிசிகளைசிறப்பு முகாமில் உடனே புதுப்பிக்க அறிவுறுத்தல் :

காலாவதியான எல்ஐசி பாலிசிகளை புதுப்பித்துக் கொள்வதற்கான சிறப்பு முகாம் வரும் 22-ம் தேதியோடு முடிவடைவதால், பாலிசிதாரர்கள் உடனடியாக தங்களது பாலிசிகளை புதுப்பித்துக் கொள்ளுமாறு அதிகாரிகள் அறிவுறுத்தியுள்ளனர். இதுகுறித்து, இந்திய ஆயுள் காப்பீட்டு நிறுவன அதிகாரிகள் கூறியதாவது:

எல்ஐசி நிறுவனத்தில் காப்பீடு எடுத்த பாலிசிதாரர்கள், காலாவதியான பாலிசிகளை புதுப்பிப்பதற்காக எல்ஐசி நிறுவனம் சிறப்பு பாலிசி புதுப்பித்தல் முகாமை நடத்தி வருகிறது. இந்த முகாமில் இதுவரை 1.70 லட்சம் பாலிசிதாரர்கள் தங்களது பாலிசிகளை புதுப்பித்துள்ளனர். இந்த சிறப்பு முகாம் வரும் 22-ம் தேதியோடு நிறைவடைகிறது. எனவே, இதுவரை காலாவதியான பாலிசிகளை புதுப்பிக்காத பாலிசிதாரர்கள், சிறப்பு முகாமில் உடனடியாக தங்களது பாலிசிகளை புதுப்பித்துக் கொள்ளுமாறு அறிவுறுத்தப்படுகின்றனர்.

இவ்வாறு அவர்கள் கூறினர்.