டி20 உலகக் கோப்பை போட்டி - இந்திய அணியின் சீருடை அறிமுகம் :

ஐசிசி டி20 கிரிக்கெட் உலகக் கோப்பை தொடர் ஐக்கிய அரபு அமீரகம் மற்றும் ஓமனில் வரும் 17 முதல் நவம்பர் 14 வரை நடைபெறுகிறது.

போட்டிகள் துபாய், அபுதாபி, ஷார்ஜா, ஓமன் என 4 பகுதிகளில் நடைபெறவுள்ளது. பிரதான சுற்றான சூப்பர் 12, அக்.23 முதல் தொடங்குகிறது. இதில் இந்தியா தனது முதல் ஆட்டத்தில் பரம வைரியான பாகிஸ்தானை 24-ம் தேதிசந்திக்கிறது. இந்நிலையில் இந்தத்தொடரில் கலந்து கொள்ளும் இந்திய அணியின் புதிய சீருடை அறிமுகம் செய்யப்பட்டுள்ளது.

புதிய சீருடையை கேப்டன் விராட் கோலி, ரோஹித் சர்மா, ரவீந்திர ஜடேஜா, கே.எல்.ராகுல், ஜஸ்பிரீத் பும்ரா ஆகியோர் அணிந்துஅறிமுகம் செய்யும் புகைப்படத்தை பிசிசிஐ ட்விட்டரில் வெளியிட்டுள்ளது.