பிஎஸ்என்எல் குறைதீர்ப்புக் கூட்டம் : ஒரே நாளில் 261 புகார்களுக்கு தீர்வு :

பிஎஸ்என்எல் சென்னை தொலைபேசி நிறுவனம் சார்பில், தலைமைப் பொதுமேலாளர் டாக்டர் வி.கே.சஞ்சீவி தலைமையில் வாடிக்கையாளர் குறைதீர்ப்பு மற்றும் திறந்தவெளிக் கூட்டம் கடந்த 22-ம்தேதி நடைபெற்றது. கரோனா தொற்று காரணமாக, தொலைபேசி வாயிலாக இக் கூட்டம் நடத்தப்பட்டது.

இதில், பல நாட்களாக தீர்க்கப்படாமல் உள்ள லேண்ட்லைன், மொபைல், பிராட்பேண்ட் தொடர்பான தங்களது குறைகளைதொலைபேசி மூலமாகவும், குறுந்தகவல், வாட்ஸ்-அப் மற்றும் மின்னஞ்சல் மூலமாகவும் வாடிக்கையாளர்கள் தெரிவித்தனர்.

மொத்தம் 431 புகார்கள் பெறப்பட்டன. இதில், 261 புகார்களுக்கு அன்றைய தினமே தீர்வு காணப்பட்டது. மீதமுள்ள புகார்களுக்கும் விரைவில் தீர்வு காணப்படும் என்று பிஎஸ்என்எல் சென்னைதொலைபேசி நிறுவனம் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.