ஜவகர் நவோதயா பள்ளியில் சேர : புதுவையில் ஆக. 11-ம் தேதி நுழைவுத்தேர்வு :

காலாப்பட்டில் இயங்கி வரும் ஜவகர் நவோதயா வித்யாலயா பள்ளி முதல்வர் ராமச்சந்திரன் வெளியிட்டுள்ள செய்திக்குறிப்பில் கூறியிருப்பதாவது:

2021-22-ம் கல்வியாண்டுக்கு ஜவகர் நவோதயா வித்யாலயா பள்ளிகளில் 6-ம் வகுப்பு சேர்க்கைக்கு நுழைவுத்தேர்வு நடத்தப்பட உள்ளது. இந்த தேர்வு ஆகஸ்ட் 11-ம் தேதி அனைத்து மாநிலங்கள், யூனியன் பிரதேசங்களில் நடைபெற உள்ளது. புதுவையில் 6 மையங்களில் நுழைவுத்தேர்வு நடக்கிறது. நுழைவுத்தேர்வுக்கு புதுவை ஜவகர் நவோதயா வித்யாலயாவில் பதிவு செய்துள்ள 1,826 மாணவ, மாணவிகள் மறுஅட்டவணையின்படி அனுமதி சீட்டை பதிவிறக்கம் செய்ய வேண்டும். தேர்வுக் கூடத்தில் கரோனா வழிகாட்டுதல்களை மாணவர்கள் பின்பற்ற வேண்டும் என்று குறிப்பிடப்பட்டுள்ளது.