குண்டர் சட்டத்தில் ஒருவர் கைது :

ராமநாதபுரம் மாவட்டம், பரமக்குடி அருகே பாண்டியூர் கிராமத்தில் கடந்த ஜூனில் சாமித் துரை தரப்பினருக்கும், அதே ஊரைச் சேர்ந்த முத்துராமலிங்கம் தரப்பினருக்கும் மோதல் ஏற்பட்டது. 20-க்கும் மேற்பட்டோர் மீது நயினார்கோவில் போலீஸார் வழக்குப் பதிவு செய்தனர். இந்த வழக்கில் தொடர்புடைய 2 பேர் ஏற்கெனவே குண்டர் சட்டத்தில் கைது செய்யப்பட்டுள்ளனர். இந்நிலையில், அஜித்குமார் (22) என்பவரை குண்டர் சட்டத்தில் போலீஸார் நேற்று கைது செய்து மதுரை சிறையில் அடைத்தனர்.