மில்கா சிங் மறைவுக்கு ஆளுநர், முதல்வர் இரங்கல் :

பிரபல முன்னாள் தடகள வீரர் மில்கா சிங் மறைவுக்கு ஆளுநர் பன்வாரிலால் புரோஹித், முதல்வர் மு.க.ஸ்டாலின் ஆகியோர் இரங்கல் தெரிவித்துள்ளனர்.

ஆளுநர் பன்வாரிலால் புரோஹித்: தடகள சாதனையாளர் மில்கா சிங் காலமான செய்தி கேட்டு அதிர்ச்சிடையந்தேன். ஆசிய விளையாட்டு போட்டிகளில் 4 முறை தங்கப் பதக்கம் வென்று, ‘பறக்கும் சீக்கியர்’ என போற்றப்பட்டவர். வாழ்க்கையில் பல்வேறு போராட்டங்களை கடந்து வெற்றி பெற நினைக்கும் இந்தியர்களுக்கு அவரது போராட்ட குணம் பெரிய ஊக்கமாக இருந்தது.

முதல்வர் மு.க.ஸ்டாலின்: இந்தியாவின் தலைசிறந்த தடகள வீரர்களில் ஒருவரும், ‘பறக்கும் சீக்கியர்’ என்று அழைக்கப்படுபவருமான மில்கா சிங்மறைவுச் செய்தி அறிந்து வருத்தமுற்றேன். சோதனைகளை வென்று சாதனை படைத்த அவரது வாழ்வு மேலும் பலஇளம் இந்தியர்களை சாதிக்கத் தூண்டட்டும்.