தமிழகத்துக்கு இதுவரை 2,922 மெட்ரிக் டன் ஆக்சிஜன் வந்துள்ளது :

கரோனா தொற்றின் 2-வது அலைமிகத் தீவிரமாக உள்ள நிலையில்,பாதிக்கப்பட்டுள்ள கரோனா நோயாளிகளுக்குத் தேவையானஆக்சிஜன், தமிழ்நாடு, டெல்லி,மகாராஷ்டிரா, கர்நாடகா, ஆந்திரா, கேரளா உள்ளிட்ட மாநிலங்களுக்கு ஆக்சிஜன் ரயில்கள் மூலம் ஆக்சிஜன் கொண்டு செல்லப்படுகின்றன.

இதற்கிடையே, சட்டீஸ்கரில் இருந்து 43-வது ஆக்சிஜன் ரயில்(75.84 மெட்ரிக் டன்) திருச்சிக்கும்ஒடிசாவில் இருந்து 44-வது ரயில்(80.69 மெட்ரிக் டன்) கோவைக்கும், மகாராஷ்டிராவில் இருந்து 45-வது ரயில் (56.04 மெ. டன்) சென்னை துறைமுகத்துக்கும் நேற்று வந்தது.

தமிழகத்துக்கு இதுவரை 45ஆக்சிஜன் ரயில்கள் மூலம் மொத்தம் 2,922.82 மெட்ரிக் டன் ஆக்சிஜன் வந்துள்ளது என தெற்கு ரயில்வே தெரிவித்துள்ளது.